Maths Support Programme Wales
| Beth | Mathemateg Bellach 6 – Cwrs Dysgu Proffesiynol (Mecaneg Bellach) |
| Pwy | Athrawon CA5 |
| Pryd | Medi 2023 i Gorffennaf 2024 |
| Sut | Hybrid- Ar-lein yn bennaf, gyda sesiynau byw yn cael eu cynnal i ymdrin â’r pynciau mwy cymhleth yn Ne a Gogledd Cymru |
| I archebu | fmspwales@swansea.ac.uk |
Mwy o wybodeath
Bydd y cwrs hwn yn rhoi sylw cynhwysfawr i MBU6 ac mae wedi’i anelu at athrawon sydd ar hyn o bryd yn cyflwyno Mathemateg Bellach lefel UG ac a hoffai gyflwyno Mathemateg Bellach Safon Uwch, neu athrawon sy’n addysgu MBU6 ar hyn o bryd ac a hoffai gael sesiwn gloywi.
Strwythur y Cwrs: 5 Sesiwn. Bydd y cwrs hwn yn cael ei wasgaru dros y flwyddyn academaidd gyfan
| Sesiwn 1 Ergyd a Momentwm Medi-Hyd 2023 | Ergyd a momentwm fel fectorau. Cyfernod adfer Ardrawiadau ar letraws sfferau llyfn o faint hafal Tensiynau ergydiol |
| Sesiwn 2 Momentau a Chreiddiau Màs Tach 2023 | Momentau. Craidd màs system o ronynnau Creiddiau màs laminâu syml |
| Sesiwn 3 Stateg Ion – Chwe 2024 | Creiddiau màs laminâu a solidau gan ddefnyddio integru Stateg Bellach |
| Sesiwn 4 Hafaliadau Differol ym Mecaneg Maw-Ebr 2024 | Defnyddio hafaliadau differol ym Mecaneg Cyflwyno Mudiant Harmonig Syml Cinemateg Mudiant Harmonig Syml |
| Sesiwn 5 Osgiliadau Meh – Gor 2024 | Enghreifftiau o Fudiant Harmonig Syml Osgiliadau Anghyflawn Osgiliadau Gwanychol Osgiliadau Gorfod |
Bydd pob modiwl yn cynnwys dwy sesiwn Zoom ar-lein, yn ystod yr wythnos, yn gynnar gyda’r nos, wedi’u gwahanu gan 7-14 diwrnod. Yn y sesiynau hyn, bydd y tiwtor yn ystyried prif gysyniadau’r testun. Bydd recordiadau fideo o’r sesiynau hyn ar gael fel y gall cyfranogwyr nad ydynt yn gallu bod yn bresennol weld y sesiwn a gollwyd.
Bydd sesiynau 1 a 5 yn cynnwys y posibilrwydd o fynychu sesiwn wyneb yn wyneb gyda thiwtor. Cynhelir y sesiynau hyn yn ystod yr wythnos ac yn Ne Cymru (Abertawe) a Gogledd Cymru (Wrecsam neu Fangor). Bydd y sesiynau hyn yn digwydd cyn y ddwy sesiwn Zoom. Byddant nid yn unig yn ymdrin â deunyddiau’r ddwy sesiwn ar-lein, ond byddant hefyd yn rhoi’r cyfle i chi gwrdd ag aelod o’r tîm tiwtor a chyfnewid syniadau a phrofiadau gyda rhai o’ch cyd-gyfranogwyr.
Bydd pecyn adnoddau llawn o ddeunyddiau dysgu, gan gynnwys y deunyddiau a ddefnyddiwyd yn y sesiynau Zoom ac wyneb yn wyneb, ar gael a’r gobaith yw y byddwch yn gweithio drwy’r adnoddau ac yn rhoi cynnig ar rai o’r ymarferion a ddarperir. Yn ystod y cyfnod hwn o hunan-astudio bydd gennych fynediad e-bost at eich tiwtor.
Disgwylir i gyfranogwyr fynychu cymaint o sesiynau ar-lein â phosibl..
Dyddiadau Cyrsiau:
Cynhelir sesiwn wyneb yn wyneb neu ar-lein ym mhob un o’r wythnosau a nodir. Bydd dyddiadau’n cael eu pennu cyn gynted â phosibl.
| Wyneb yn wyneb | Ar-lein | ||
| Sesiwn 1 | Tymor yr Hydref Wythnos 3 | Tymor yr Hydref Wythnos 5 Tymor yr Hydref Wythnos 7 | |
| Sesiwn 2 | Tymor yr Hydref Wythnos 9 Tymor yr Hydref Wythnos 10 | ||
| Sesiwn 3 | Tymor y Gwanwyn Wythnos 3 Tymor y Gwanwyn Wythnos 5 | ||
| Sesiwn 4 | Tymor y Gwanwyn Wythnos 7 Tymor y Gwanwyn Wythnos 8 | ||
| Sesiwn 5 | Tymor yr Haf Wythnos 7 | Tymor yr Haf Wythnos 8 Tymor yr Haf Wythnos 10 |
Cyflwynir y sesiynau yn Saesneg; bydd deunyddiau ar gael yn ddwyieithog
Bydd y cwrs hwn yn cael ei ardystio.
Mae gan bob sesiwn dasg asesu fer a bydd cyfranogwyr yn cael eu hannog i’w chwblhau a’i hanfon at eu tiwtor. Bydd pob tasg yn cynnwys dau neu dri chwestiwn arddull arholiad i gyfranogwyr eu hateb. Hefyd, gofynnir i gyfranogwyr feddwl am y wybodaeth y bydd ei hangen ar fyfyrwyr i fynd i’r afael â chwestiynau o’r fath a dulliau addysgu posibl y gellid eu defnyddio yn yr ystafell ddosbarth. Y gobaith yw y bydd angen llai na 90 munud i gwblhau pob tasg.
Bydd ardystiad yn seiliedig ar gwblhau’r tasgau hyn yn foddhaol a thystiolaeth o bresenoldeb yn y sesiwn neu waith annibynnol trwy’r deunydd adnoddau.
Y dyddiad cau ar gyfer ardystio fydd Awst 2024