Beth | Mathemateg Bellach 5 – Cwrs Dysgu Proffesiynol (Ystadegaeth Bellach) |
Pwy | Athrawon CA5 |
Pryd | Medi 2023 – Ebrill 2024 |
Sut | Hybrid- Ar-lein yn bennaf, gyda sesiynau byw yn cael eu cynnal i ymdrin â’r pynciau mwy cymhleth yn Ne a Gogledd Cymru |
I archebu | fmspwales@swansea.ac.uk |
Mwy o wybodeaeth
Bydd y cwrs hwn yn rhoi sylw cynhwysfawr i MBU5 ac mae wedi’i anelu at athrawon sydd ar hyn o bryd yn cyflwyno Mathemateg Bellach lefel UG ac a hoffai gyflwyno Mathemateg Bellach Safon Uwch, neu athrawon sy’n addysgu MBU5 ar hyn o bryd ac a hoffai gael sesiwn gloywi.
Strwythur y Cwrs: 4 Sesiwn. Bydd y cwrs hwn yn cael ei wasgaru dros y flwyddyn academaidd gyfan.
Sesiwn 1 Cyfuno Dosraniadau Normal a Theorem y Derfan Ganolog Medi-Hyd 2023 | Cyfuniad llinol o hapnewidynnau annibynnol sydd wedi’u dosrannu’n normal. Dosraniad cymedr hapsampl. Defnydd o’r Theorem y Derfan Ganolog. |
Sesiwn 2 Amcangyfrifynnau Tach-Rhag 2023 | Defnydd o amcangyfrifynnau di-duedd a’r maen prawf amrywiant ar gyfer dewis rhwng amcangyfrifynnau di-duedd. Amcangyfrifynnau di-duedd o debygolrwydd ac o gymedr poblogaeth a’u cyfeiliornadau safonol. Amcangyfrifyn di-duedd o amrywiant poblogaeth. |
Sesiwn 3 Profi rhagdybiaethau Hypothesis testing (paramedrig ac amharamedrig) Ion – Chwe 2024 | Profion rhagdybiaeth ar gyfer: (a) cymedr penodol o unrhyw ddosraniad y mae ei amrywiant yn cael ei amcangyfrif o sampl fawr. (b) y gwahaniaeth rhwng dau gymedr ar gyfer dau ddosraniad normal annibynnol gydag amrywiannau hysbys. (c) cymedr penodedig o ddosraniad normall gydag amrywiant anhysbys. Profion amharamedrig: profion Mann-Whitney ac arwyddion graddedig. Dehongli canlyniadau ar gyfer yr holl brofion hyn mewn cyd-destun. |
Sesiwn 4 Cyfyngau Hyder Maw-Ebr 2024 | Defnyddio cyfyngau hyder ar gyfer: (a) cymedr dosraniad normal gydag (i) amrywiant hysbys ac (ii) amrywiant anhysbys, (b) y gwahaniaeth rhwng cymedrau dau ddosraniad normal y mae ei hamrywiannau’n hysbys. Cyfyngau hyder bras, o ystyried samplau mawr, ar gyfer tebygolrwydd neu gyfran. Dehongli canlyniadau mewn cyd-destunau ymarferol. |
Bydd pob modiwl yn cynnwys dwy sesiwn Zoom ar-lein, yn ystod yr wythnos, yn gynnar gyda’r nos, wedi’u gwahanu gan 7-14 diwrnod. Yn y sesiynau hyn, bydd y tiwtor yn ystyried prif gysyniadau’r testun. Bydd recordiadau fideo o’r sesiynau hyn ar gael fel y gall cyfranogwyr nad ydynt yn gallu bod yn bresennol weld y sesiwn a gollwyd.
Bydd sesiynau 2 a 3 yn cynnwys y posibilrwydd o fynychu sesiwn wyneb yn wyneb gyda thiwtor. Cynhelir y sesiynau hyn yn ystod yr wythnos ac yn Ne Cymru (Abertawe) a Gogledd Cymru (Wrecsam neu Fangor). Bydd y sesiynau hyn yn digwydd cyn y ddwy sesiwn Zoom. Byddant nid yn unig yn ymdrin â deunyddiau’r ddwy sesiwn ar-lein, ond byddant hefyd yn rhoi’r cyfle i chi gwrdd ag aelod o’r tîm tiwtor a chyfnewid syniadau a phrofiadau gyda rhai o’ch cyd-gyfranogwyr.
Bydd pecyn adnoddau llawn o ddeunyddiau dysgu, gan gynnwys y deunyddiau a ddefnyddiwyd yn y sesiynau Zoom ac wyneb yn wyneb, ar gael a’r gobaith yw y byddwch yn gweithio drwy’r adnoddau ac yn rhoi cynnig ar rai o’r ymarferion a ddarperir. Yn ystod y cyfnod hwn o hunan-astudio bydd gennych fynediad e-bost at eich tiwtor.
Disgwylir i gyfranogwyr fynychu cymaint o sesiynau ar-lein â phosibl.
Dyddiadau Cyrsiau:
Cynhelir sesiwn wyneb yn wyneb neu ar-lein ym mhob un o’r wythnosau a nodir. Bydd dyddiadau’n cael eu pennu cyn gynted â phosibl.
Wyneb yn wyneb | Ar-lein | ||
Sesiwn 1 | Tymor yr Hydref Wythnos 4 Tymor yr Hydref Wythnos 6 | ||
Sesiwn 2 | Tymor yr Hydref Wythnos 8 | Tymor yr Hydref Wythnos 9 Tymor yr Hydref Wythnos 10 | |
Sesiwn 3 | Tymor y Gwanwyn Wythnos 2 | Tymor y Gwanwyn Wythnos 3 Tymor y Gwanwyn Wythnos 5 | |
Sesiwn 4 | Tymor y Gwanwyn Wythnos 7 Tymor y Gwanwyn Wythnos 8 |
Cyflwynir y sesiynau yn Saesneg; bydd deunyddiau ar gael yn ddwyieithog.
Bydd y cwrs hwn yn cael ei ardystio.
Mae gan bob sesiwn dasg asesu fer a bydd cyfranogwyr yn cael eu hannog i’w chwblhau a’i hanfon at eu tiwtor. Bydd pob tasg yn cynnwys dau neu dri chwestiwn arddull arholiad i gyfranogwyr eu hateb. Hefyd, gofynnir i gyfranogwyr feddwl am y wybodaeth y bydd ei hangen ar fyfyrwyr i fynd i’r afael â chwestiynau o’r fath a dulliau addysgu posibl y gellid eu defnyddio yn yr ystafell ddosbarth. Y gobaith yw y bydd angen llai na 90 munud i gwblhau pob tasg.
Bydd ardystiad yn seiliedig ar gwblhau’r tasgau hyn yn foddhaol a thystiolaeth o bresenoldeb yn y sesiwn neu waith annibynnol trwy’r deunydd adnoddau.
Y dyddiad cau ar gyfer ardystio fydd Awst 2024