Maths Support Programme Wales
| Beth | Methemateg Bellach 3 – Cwrs Dysgu Proffesiynol (Mecaneg Bellach) |
| Pwy | Athrawon CA5 |
| Pryd | Medi 2024 – Mawrth 2025 |
| Sut | Hybrid- Ar-lein yn bennaf, gyda sesiynau byw yn cael eu cynnal i ymdrin â’r pynciau mwy cymhleth yn Ne a Gogledd Cymru |
| I archebu | fmspwales@swansea.ac.uk |
Mwy o wybodeaeth
Bydd y cwrs hwn yn rhoi sylw cynhwysfawr i MBU3 ac mae wedi’i anelu at athrawon sy’n cyflwyno Mathemateg Safon Uwch ar hyn o bryd ac a hoffai gyflwyno Mathemateg Bellach, neu athrawon sy’n addysgu Mathemateg Bellach ar hyn o bryd ac a hoffai gael sesiwn gloywi.
Strwythur y Cwrs: 3 Sesiwn. Bydd y cwrs hwn yn cael ei wasgaru dros y flwyddyn academaidd gyfan.
| Sesiwn 1 Gwaith, Egni, Pŵer, Elastigedd Medi-Hyd 2024 | Cyflwyniad i Fodelu Mathemategol Gwaith ac Egni Pŵer Llinynnau a sbringiau elastig. |
| Sesiwn 2 Ergyd a Momentwm, Dulliau Fector Tach-Rhag 2024 | Ergyd a momentwm ar gyfer gwrthdrawiadau mewn un dimensiwn. Defnydd o fectorau i fodelu mudiant mewn dau neu dri dimensiwn. |
| Sesiwn 3 Mudiant mawn Clych Chwe – Maw 2025 | Cinemateg mudiant mewn cylch Mudiant gyda buanedd cyson mewn cylchoedd llorweddol. Mudiant mewn cylchoedd fertigol. |
Bydd pob modiwl yn cynnwys dwy sesiwn Zoom ar-lein, yn ystod yr wythnos, yn gynnar gyda’r nos, wedi’u gwahanu gan 7-14 diwrnod. Yn y sesiynau hyn, bydd y tiwtor yn ystyried prif gysyniadau’r testun. Bydd recordiadau fideo o’r sesiynau hyn ar gael fel y gall cyfranogwyr nad ydynt yn gallu bod yn bresennol weld y sesiwn a gollwyd.
Bydd sesiynau 1 yn cynnwys y posibilrwydd o fynychu sesiwn wyneb yn wyneb gyda thiwtor. Cynhelir y sesiynau hyn yn ystod yr wythnos ac yn Ne Cymru (Abertawe) a Gogledd Cymru (Wrecsam neu Fangor). Bydd y sesiynau hyn yn digwydd cyn y ddwy sesiwn Zoom. Byddant nid yn unig yn ymdrin â deunyddiau’r ddwy sesiwn ar-lein, ond byddant hefyd yn rhoi’r cyfle i chi gwrdd ag aelod o’r tîm tiwtor a chyfnewid syniadau a phrofiadau gyda rhai o’ch cyd-gyfranogwyr.
Bydd pecyn adnoddau llawn o ddeunyddiau dysgu, gan gynnwys y deunyddiau a ddefnyddiwyd yn y sesiynau Zoom ac wyneb yn wyneb, ar gael a’r gobaith yw y byddwch yn gweithio drwy’r adnoddau ac yn rhoi cynnig ar rai o’r ymarferion a ddarperir. Yn ystod y cyfnod hwn o hunan-astudio bydd gennych fynediad e-bost at eich tiwtor.
Disgwylir i gyfranogwyr fynychu cymaint o sesiynau ar-lein â phosibl.
Dyddiadau Cyrsiau:
Cynhelir sesiwn wyneb yn wyneb neu ar-lein ym mhob un o’r wythnosau a nodir. Bydd dyddiadau’n cael eu pennu cyn gynted â phosibl.
| Wyneb yn wyneb | Ar-lein | ||
| Sesiwn 1 | Tymor yr Hydref Wythnos 4 | Tymor yr Hydref Wythnos 5 Tymor yr Hydref Wythnos 6 | |
| Sesiwn 2 | Tymor yr Hydref Wythnos 11 Tymor yr Hydref Wythnos 12 | ||
| Sesiwn 3 | Tymor y Gwanwyn Wythnos 6 Tymor y Gwanwyn Wythnos 8 |
Cyflwynir y sesiynau yn Saesneg; bydd deunyddiau ar gael yn ddwyieithog.
Bydd y cwrs hwn yn cael ei ardystio.
Mae gan bob sesiwn dasg asesu fer a bydd cyfranogwyr yn cael eu hannog i’w chwblhau a’i hanfon at eu tiwtor. Bydd pob tasg yn cynnwys dau neu dri chwestiwn arddull arholiad i gyfranogwyr eu hateb. Hefyd, gofynnir i gyfranogwyr feddwl am y wybodaeth y bydd ei hangen ar fyfyrwyr i fynd i’r afael â chwestiynau o’r fath a dulliau addysgu posibl y gellid eu defnyddio yn yr ystafell ddosbarth. Y gobaith yw y bydd angen llai na 90 munud i gwblhau pob tasg.
Bydd ardystiad yn seiliedig ar gwblhau’r tasgau hyn yn foddhaol a thystiolaeth o bresenoldeb yn y sesiwn neu waith annibynnol trwy’r deunydd adnoddau.
Y dyddiad cau ar gyfer ardystio fydd Awst 2025.